Linguistique amazighe

E.N.S.Bouzaréah - Aseggas 1-ru n turagt n tmaziɣt
======================================
1e année Licence de Langue Tamazight :
==============================
Ha-t-an uḍris ay asen-d-fkiɣ iyinelmaden n useggas amezwaru n turagt n tmaziɣt (1e année Licence de langue tamaziɣt) deg ukayad n umesdis wis (2e semestre). Sseddaɣ-d daɣen isteqsiyen.
______
Aḍris :

Iggen wass, alɣem d uyis d weɣyul llan deg wurti sserḥen ur ten-walan midden. Yenna-as uyis i welɣem d weɣyul : - Seɣdet, ccet s tsusmi, ur ssawalet : lukan ad aɣen-d-slen yibunadmen, ad aɣen-ṭṭfen, ad aɣen-sxedmen axdam yuɛeṛ !

Ayis yenna-asen : - Necci tɣareɣ s tazzla. Lukan ad d-yas ḥedd ? Ad rewleɣ, ur inejjem ad iyi-d-iteṭṭef.

Aɣyul d azkakri, yenna-asen : - Necci, yusa-iyi-d yiggen n uɣanna d aweḥdi i xseɣ ad t-ɣenniɣ. 
Nnan-as : - Lukan ad tɣennid ad aɣen-d-slen midden, ad d-asen ad aɣen-ṭṭfen.
Aɣyul ur iɣis ad yaɣ awal. Iɣenna.. Usin-d midden, ṭṭfen-ten netta d welɣem. Ma d ayis yeẓwa yerwel ur t-id-ṭṭfen. Ḥemmlen ɣef-sen ticekkaṛin, ulin ɣef-sen, rekben-ten. Yenna-as welɣem i weɣyul : - Rgeb batta i aɣen-tjid ! jjur imaṛ-u tcemmṛed !

Llan jjuren deg yiggen webrid d ajedrar. Aɣyul, netta d aḥili, yerra iman-is yeɛya. Cemmṛen-t netta d wani cemmṛen ɣef-s. Jjan-t ɣef welɣem. Alɣem yezɛef ɣef weɣyul, d netta i d-yewwin leɛdab-u. Yesɣed : ur d-yenni cra. Yebda yejjur. Alin mɛa yiggen n wewrir. Yaweḍ welɣem ɣer yiggen n umčan deg-s idɣaɣen d izeɛlak. Dinni, yenna-as i weɣyul : - Ceččin, tellid tɣennid-d aɣenni d aweḥdi… imaṛ-u necci xseɣ ad rekseɣ.
Yenna-as weɣyul : - Ur rekkes da, amaɣer acal d uctim wel trekksed d aweḥdi. Ejj ald naweḍ tamuṛt yellan deg-s ijdi ad d-yas urkas deg-s yebha.
Yenna-as welɣem : - Tabejna-inu tenna-iyi-d : rkes da ! ceččin tettɣennid necc ad rekkseɣ…

Alɣem yebda irekkes, yekli (yesseɣli) aɣyul ɣef yedɣaɣen, yejj-it yerreẓ… Ticekkaṛin uḍant, alɣem yeṛwel, yelḥeq ameddučel-is ayis. Aɣyul, ɣersen-t midden amaɣer wel ineffeɛ i cra, yerreẓ ! Tanfust-u ɣef ubunadem wel yettaɣen awal i wasi yenṣeḥ-t. Lukan wel iɣenna weɣyul wel yettwiɣris.

Amur I : Tigzi n uḍris 
================
1 – D acu-t usentel iɣef d-yewwi uḍris-a ? Efk-as izwel iwatan.
2 – Kkes-d seg uḍris snat ar kṛad n tefyirin i d-yesbanayen aɣyul yeqqur uqerru-is ?
3 – Maɣef i yexs welɣem ad yerkes ? Amek i as-teḍra i weɣyul deg taggara ?
4 - Segzi-d awalen-a taruḍ yal yiwen deg-sen deg tefyirt :
3.1 – Sɣed 3.2 - Rgeb 3.3 – rkes

Amur II : Tira n tmaziɣt
=================

1. Kkes-d seg uḍris semmus n yismawen yellan deg waddad amaruz. Aru-d addad-nsen ilelli tgelmeḍ-d abeddel i d-yellan deg yisem.
2. Err-d tafyirt-a s udem wis sin n usget unti s talɣa tibawt. 
« Llan jjuren deg yiggen webrid d ajedrar. » 
3. Amek ara nessemgirred ger tenzeɣt « d » d tzelɣa n tbadut. Awi-d imedyaten seg uḍris.
4. Sleḍ tafyirt-a s ubdar n yismawen n yiferdisen d twuriwin-nsen tinejṛumin

Amur wis III : tanfalit yuran
====================

Fren ger sin yisental-a. Amezwaru d tira n uḍris ɣef usentel n tenfust-a. Wis sin : fren tanfust i triḍ siwel-itt-id deg uḍris n wugar n 10 n yizirigen.

Afud igerrzen !
______________

Hamid Oubagha